ديجافو

السلام عليكم ورحمة الله وبركاته


ساعات كتير بتحصل لواحد فينا حاجات و فجاة يفتكر ان الحاجات دى حصلتلوا قبل كده و بنفس التفاصيل و الواحد يستغرب طب يا ناس الراجل أنا لسه عارفه النهارده ازاى يكون الموقف ده حصلى قبل كده و بعض الناس بقى دماغها تروح لبعيد و تقول ده تناسخ ارواح بقى و الحاجات دى .



هى الحكاية دى كانت بتحصلى شخصيا لغاية ما عرفت الحمد لله لانى كنت هتجنن بجد .


بصوا يا جماعة الحكاية انها ظاهرة اسمها ديجافو :


الظاهرة دى عبارة عن ان اى معلومة بتيجى من الحواس للمخ بتبقى نسختين واحدة بتروح للنص الشمال المختص بتخزين الذاكرة بعيدة المدى ( يعنى الحاجات اللى حصلت من زمان ) و نسخة بتروح للنص اليمين المختص بالتعرف على الحاجة .


و ساعات لاسباب كيميائية معينة النسخة اللى رايحة للنص الشمال بتوصل الأول فلما النسخة التانية توصل ( و بيبقى الفرق حاجات من الفمتو من الثانية ) للنص اليمين يقوم المخ يتعرف ان الحدث ده موجود نسخة منه في الذاكرة فيستدعيها فيقوم يتهيالك انت ان الحاجة دى حصلتلك من زمان.




و يا رب تكونوا ارتحتوا بعد ما قريتوا التوبك ده.

م
ن
ق
و
ل